Aram baya nindo mga ka-bombo, sarong teenager gikan sa Illinois an naipuli an Guinness World Record sa paagi kan pagbilog kan nasa 17.32-foot-tall replica kan Eiffel Tower gamit an nasa 20,000 toothpicks.
Binisto an nasambitan ng teenager na si Eric Klabel kun saen sinaysay kaini na an saiyang ama na civil engineer an saiyang inspirasyon tanganing magin interesado sa siring na ladangan.
Katakod kaini, kan taong 2021 nagbilog man si Eric nin nasa 20.2-foot tower gamit an popsicle sticks asin naipuli an saiyang kaenot-enoting Guinness World Record sa edad na 12-anyos.
Alagad an nasambitan ng record an nalampasan kun kaya naglapigot si Eric na makua an saiyang ikaduwang Guinness World Record.
Kan nakalihis na Oktubre, matrayumpo ini na nakabilog nin model kan Eiffel Tower na igwang langkaw na nag-aabot sa 17.32.
Huli digde, naipuli kan nasambitan ng teenager an record para sa world’s tallest toothpick sculpture.
