NAGA CITY- Maogma an lado kan Public Safety Office Naga sa nagin resulta kan pagselebrar kan pasko sa siyudad.
Sa entrevista kan Bombo Radyo Naga ki Renne Gumba an pamayo kan Public Safety Office Naga, sinaysay kaini na nagin matuninong man an selebrasyon kan kapaskuhan sa Naga City asin mayo man nairehistro na untowards incidents sa kasagsagan kan kasiributan.
Alagad, saro soboot sa mga nanutaran na dakulang problema an magabat na bulos kan trapiko na pigkokonsederar kan nasambitan ng opisina komo nagtitinir na huma na kaipuhang masimbagan.
Sigun sa opisyal, padagos an saindang pakikipag-koordinar sa mga kapulisan asin Barangay tanganing mabawasan an labing traffic na namamatean kan mga biyaheros ngunyan na holiday season.
Paliwanag pa ni Gumba bako sana tuyong pasko naeeksperyensiyahan ini kundi enkaso igwang darakulang kasiributan huli ta sentro kan dagsa nin mga tawo an Naga.
Mientrastanto, pigtawan duon man kan opisyal na an mga badjao na nanunutaran sa siyudad nin Naga na naglilimos an gikan sa Pasacao asin iba pang lugar.
Sa mga siring soboot na panahon normal an pagdakol kan mga badjao huli ta pigsasamantala man kaini na sibot an mga tawo huli ta nasa panahon kan holiday.
Alagad padagos man ginigibuhan nin paagi kan LGU-Naga na mapabalik sa saindang mga pinaggikanan na lugar an mga ini orog na ta nagkakawsa man nin abala asin peligro sa iba.
Igwa kaya na nangngulog na mga Badjao enkaso dae tawan nin kwarta tuyong nagpapalimos na bakong marhay partikular sa siring na panahon.
Sa ngunyan, hagad na sana kan opisyal an padagos na pagsunod kan publiko sa piglatag na panundunan para sa salbadong pagsabat kan Bagong taon.
