Nagtutubod si Ako Bicol party-list Rep. Alfredo Garbin na kayang ipautob ni dating police general Nicolas Torre an kinakaipuhang disiplina sa Metro Manila, orog na sa mga motorisat, komo bagong general manager kan Metropolitan Manila Developement Authority (MMDA).
Sigun ki Garbin, labi kaining ikinaogma an pagkakatalaga ki Torre komo bagong tagapagmanehar kan MMDA huli ta nagtutubod ini sa kakayahan kan dating chief of police na mapautob an disiplina sa mga tinampo kan Metro Manila, sa mga kawani kan MMDA traffic enforcers asin mga iba pang mga problema sa lansangan siring na sana kan pagkokolektar kan mga basura.
Dugang pa kan kongresista, an pagkakatalaga ni Torre sa MMDA an boot sabihon na ini an makikipagtabangan kina Metro Manila Council chairman Mayor Francis Zamora asin MMDA chairman Don Artes, sarong bagay na sigun ki Garbin, kinakaipuhan tanganing mas mapagayon an kalidad kan serbisyo publiko na matatao sa bilog na National Capital Region.
