Pigkomemorar ngunyan aldaw an ika-129 anibersaryo na kabayanihan ni Dr. Jose Rizal sa Pambansang Bantayog ni Rizal sa Liwasang Rizal, sa Maynila.
Pinagenutan ni Presidente Ferdinand R. Marcos Jr. an flag-raising ceremony asin pag-aalay nin burak sa monumento kan pambansang bayani.
Kaibahan kan Presidente sa seremonya sinda Executive Secretary Ralph G. Recto, Presidential Communications Office (PCO) Secretary Dave M. Gomez, AFP Chief of Staff General Romeo S. Brawner Jr., asin National Historical Commission of the Philippines Chairperson Regalado T. Jose Jr.
Nag-atendir man si Manila Mayor Francisco Moreno Domagoso asin iba pang opisyal kan gobierno.
Ngunyan na taon, pigsagibo an pagkomemorar sa temang “Rizal: Sa Pagbangon ng mga Mamamayan, Aral at Diwa Mo ang Tunay na Gabay,” na nagtaong-duon sa padagos na kabuluhan kan mga adal asin prinsipyo ni Rizal sa paghubog kan Bagong Pilipinas.
Makalihis ang seremonya, pinangenutan man kan Presidente an Rizal Park Open Air Auditorium an taunang “Pamaskong Handog mula sa Pangulo” para sa 2,000 benepisyaryo gikan sa manlaen-laen na siyudada sa Metro Manila komo parte kan paggunita sa Rizal Day asin diwa kan malasakit sa kapwa.
