Yaon na sa China an Filipinang tennis star na si Alex Eala tanganing magpartisipar sa Wuhan Open.
An nasabing torneo an magsisirbing pagbalik niya sa Women’s Tennis Association (WTA) Tour.
Si Eala, na World number 18, piglalaoman na makalaog sa 13th seed kan WTA 1000 tournament.
Piglalaoman na makakahampang niya an nagkapirang darakulang pangaran sa tennis arog ninda Aryna Sabalenka, Jessica Pegula, Mirra Andreeva, Linda Noskova, asin Elina Svitolina.
An singles draw magpoon ngunyan na Oktubre 10, mantang an main draw man magpoon sa Oktubre 12.
Marurumduman na dai nakakawat si Eala sa China Open tanganing matawan dalan an pagpartisipar niya sa Asian Games, kun sain nakakua siya nin bronze medals.
Huri siyang nagpartisipar sa WTA tour sa Singapore Open, kun sain nakaabot sana siya sa ikaduwang round.
