Nagpatanid an Philippine Psychiatric Association (PPA) kontra sa mga pahayag na pigkokonektar an paggamit kan antidepressants sa paglangkaw kan suicidal thoughts, asin pighurot na mayong bastanteng basehang medikal an siring na claim asin orog sanang nagpapalakop kan stigma sa mental health.
Ginibo kan grupo an pahayag sa sarong statement makalihis an report na nagpositibo soboot sa antidepressants si dating DPWH Undersecretary Catalina Cabral, mantang padagos na pig-iimbestigaran an saiyang pagkagadan na inuri komo suicide.
Sigun sa PPA, an depresyon asin suicidal an kumplikado asin kadakol na salik an pinagpuonan, asin an antidepressants an sarong lehitimo asin epektibong ulong kun marhay na naireseta asin mino-monitor.
Pigtawan-duon pa kan grupo na an dae nabubulong na depresyon na igwang halangkaw na peligro kan suicide, asin an mayong basehang pagbabasol sa antidepressants an iresponsable asin pwedeng magpugol sa mga tawong naghahagad nin propesyonal na tabang.
