Maduon na pinahimutikan ni Batangas 1st District Rep. Leandro Legarda Leviste an paratang na iligal kaining nakua an pigkonsiderar na “Cabral Files” gikan sa Department of Public Works and Highways (DPWH).
Sa sarong statement, sinaysay ni Leviste na lehitimo an pagkakakua kaini kan mga dokumento kan nakalihis na Setyembre 4 asin igwang pagtugot soboot ni DPWH Secretary Vince Dizon.
Ginibo kan lehislador an paglilinaw kasunod kan pagluwas kan CCTV footage na nagpapahiling kan pagbisita ni Leviste sa opisina ni dating DPWH Undersecretary Maria Catalina Cabral.
Alagad, pinahimutikan man ni Sec. Dizon an pahayag na nagtao ini nin pagtugot.
Enot digde, inakusaran si Leviste kan sarong staff kan DPWH na iligal na pigkua asin kinopya soboot an mga dokumento, bagay na pinahimutikan kan kongresista.
Sigun man ki Bicol Saro Party-list Rep. Terry Ridon, pwedeng magsirbing basehan kan ethics case kontra ki Leviste an insidente.
Sa ibong kaini, nanindugan si Leviste asin nangapodan na ituon an imbestigasyon sa soboot korapsiyon sa DPWH.
Mientrastanto, padagos an imbestigasyon kan mga otoridad sa pagkagadan ni Cabral, na binawian nin buhay kan nakalihis na Disyembre 18 makalihis na mahulog sa sarong bangin sa Tuba, Benguet.
