Pigtawan duon ni Senate President pro-tempore Ping Lacson an importansiya na maipasar tolos an prosopwestong ley na makriar sa Independent People’s Commission (IPC) na karibay kan Independent Commission for Infrastructure (ICI).
Katakod man ini sa ginibong pagbubutas ni ICI Commissioner Rossana Fajardo.
Pigpunto pa ni Lacson na alagad maski nakakatabang sa imbestigasyon kan maanomalyang flood control projects an ICI, nagtitinir ining sarong adhoc na komisyon asin bakong permanente.
Kaipuhan soboot na maisaley an IPC tanganing ma-institutionalize asin magin dagusan nang ley tanganing magkaigwa nin malinaw na mandato.
Pigtawan duon pa ni Lacson, posibleng makatabang an IPC sa pagresolbar sa mga huma na kinakahampang kan mga commissioner kan ICI, kabali na an kawaran nin ang kawalan immunity from suit asin an kawaran nin kapangyarihang mag-cite nin contempt.
Naenot naman na pigsierto ni Senate President Tito Sotto III na ipapasar ngunyan na 2026 an prosopwestong IPC.
