Pig-inkaminar ni United Nations (UN) Secretary-General Antonio Guterres an mga world leader na mamuhunan sa pag-uswag asin maayos na pagbabago asin bako sa destruksyon, pagraot.
Kasabay kan paglaog kan bagong taon nagtitinir sa crossroads an bilog na kinaban asin napapalibutan an kada saro nin pagkakawatak-watak, kadahasan, climate breakdown, asin sistematikong pagbalgar sa international law.
Kadakol na katawo soboot an naghahapot kun nagdadangog pa ba an mga lideres kan kada nasyon asin kun preparado an mga ini na magsimbag sa presenteng problema.
Tinukoy man kaini an labi sa 1/4 kan gabos nin mga tao sa bilog na kinaban na ng iistar sa conflict-affected areas kun saen labi man sa 200 million katao an nangangaipuhan nin humanitarian assistance mantang labi sa 120 million an pwersahang na-displace huli sa giyera, kalamidad, asin pang krisis.
Huli man digde, nangapudan an UN chief ng pagtatarabangan para umiral an katrangkiluhan. Malinaw soboot na igwa nin bastante na resources an bilog na kinaban para i-angat an kalidad kan buhay kan kada saro asin bulungon an problema na igwa an kinaban.
Kaipuhan sana nin mga lider asin gabos kan mga kahimanwa na magseryoso, magtarabangan, asin gibuhon an kanya kanyang papel.
Ngunyan na bagong taon, kaipuhan na manindugan kan kada saro, tangani na masimbagan an mga presenteng problema asin mauntok na an mga problema, siring kan mga giyera, epidemiya, asin iba pa.
