Sinaysay kan Australian police na an duwang lalaki na inakusaran sa Bondi Beach shooting an naghiro nin solo asin dae kabali sa ano man na militanteng cell.
Sigun sa awtoridad, ginadan ninda Naveed Akram asin an saiyang ama na si Sajid Akram an 15 katao sa sarong Hanukkah event kan nakalihis na Disyembre 14, na iyong pinakamataong mass shooting sa Australia sa haros tulong dekada.
Napag-araman kan imbestigador na naglakbay an mag-ama sa Mindanao, Pilipinas, kan nakalihis na Nobyembre, sarong rehiyon na dati nang apektado kan militanteng aktibidad.
Dugang pa ni Australian Federal Police Commissioner Krissy Barrett mayong indikasyon na nakaresiber sinda nin pormal na pagsasanay o suporta sa operasyon sa Pilipinas.
Pigtawan duon ni Barrett na padagos an koordinasyon kan Australia asin Pilipinas sa imbestigasyon.
Nagadan si Sajid sa insidente, mantang si Naveed an nahahampang sa 59 kaso kabali na an 15 counts kan murder asin man mga katakod na kasong terorismo.
