Nakua na kan Philippine Drug Enforcement Agency (PDEA) an kumpletong detalye kan sarong Pinoy na inaresto sa paliparan kan Laos matapos na magpurbar magpuslit nin nasa 521 kilos nin shabu sa sarong private jet pasiring sa Pilipinas.
Segun ki PDEA Director General Undersecretary Isagani Nerez, an suspek sarong alyas “Fajad” asin nag-eerok sa Marawi.
Dugang pa niya na igwa na sindang ibang indibidwal na kairiba kan suspek na yaon sa Pilipinas.
Nagsasagibo na sinda nin case build-up manungod sa nasabing kaso tanganing maaraman kun siisay an target na pagbabagsakan kan nasabing ilegal na droga.
Naromdoman na sinayumahan kan piloto kan private jet an ilegal na droga kaya tulos ining nagsumbong sa mga awtoridad kun sain igwang nagkapirang kairiba na dayuhan an suspek kan Oktubre 1.
