Ipigheras kan lifestyle vlogger na si Small Laude sa saiyang Instagram account kan nakalihis na Biyernes, Enero 3, 2025, an sarong legal statement, kasimabagan sa mga alegasyon na naglalakop online na igwang kinaaraman sa saiyang agom na negosyanteng si Philip Laude.
An post, na nasa saiyang veriied account asin igwang caption na na “The Truth,” an naglalaog nin pahayag gikan sa saiyang abogado.
Maduon na pinahimutikan kan legal counsel ni Small na an anuman na insinuation na imbwelto su Philip sa anuman na flood control project mess.
Naunambitan man na si Philip an sarong pribadong negosyante na igwang haloy ng record asin legal na negosyo.
Dae man soboot imbwelto, nakinaban, o nagpautob nin anuman na illegal na transaksiyon, scheme, o aktibidad, direkta man o dae si Philip.
Pinahimutikan pa kan mga ining igwa soboot ining korporasyon o pormal na partnership kaibahan si Edvic Yap, na kalaunan, na-elehir sa gobyerno.
Mayo man soboot korporasyon na naitatag sa tahaw kan duwa. Antes pa man ma-elehir si Yap, inimbitaran sana kaini si Philip para sa sarong proposed joint venture asin dae nag-abot sa anuman na pormal na partnership o juridical entity.
Sigun pa sa legal counsel ni small, sarong bank account sana an nabukasan sa panahon idto komo parte kan exploratory phase.
Makalihis ma-elehir ni Yap sa public office, dae na ipinagpadagos an venture, asin isinarado na man an bank account tanganing malikayan an anuman na isyu, salang interpretasyon, o impresyon kan impropriety.
