Pigkuwestiyon kan abogado ni negosyanteng Charlie “Atong” Ang an pigluwas na warrant of arrest kan Regional Trial Court sa Sta. Cruz, Laguna katakod kan kaso kan mga nawawarang sabungero.
Sigun ki Atty. Gabriel Villareal, an desisyon “premature” asin “legally questionable” huli ta nakabase sana ini sa dae kumpletong impormasyon gikan sa DOJ.
Pigtawan duon kaini, na pigbalgar kan korte an karapatan ni Ang huli ta dae pig-iba an counter affidavits asin ebidensiyang pabor sa mga akusado.
Dugang pa ni Villareal, tanging testimonya ni Julie “Dondon” Patidongan an piggamit kan DOJ, na tunay na mastermind kan krimen.
Pigsierto kan abogado na igagalang ni Ang an proseso kan korte alagad gagamiton ninda an gabos kan legal na remedyo tanganing kuwestiyunin an arrest order.
Nanindugan man si Villareal na mayong pisikal na ebidensiya kontra ki Ang asin na an kaso pigtindog sa pagmamadali asin pagkiling kan DOJ.
