Nagapelar si House Assistant Minority Leader asin Kabataan Party-list Rep. Renee Co sa mga kaibahang lehislador na tolos pagtibayon an prosopwestong Magna Carta of Waste Workers.
Duon ni Co, an pagguho kan Binaliw Landfill asin Materials Recovery Facility sa Cebu City malinaw na patotoo kan pangangaipuhan maisabatas sa orog na marekas na panahon an House Bill No. 6413 na pigsunad kan Makabayan Bloc.
An nasambitan na trahedya, pigkakarkulong nasa 50 waste workers an soboot natabunan, kun saen anom an tolos na nairehistrong binawian nin buhay.
Sigun ki Co, malinaw na piglantad sa matinding peligro an buhay kan mga waste workers huli sa padagos asin talamak na pagbalgar sa Occupational Safety and Health Standards.
Pigtawan duon man ni Co na sa irarom kan saindang prosopwesto, pigsugo an gobierno na magtao nin sapat na proteksyon asin seguridad sa mga frontliners sa waste management industry.
