Nadukayang mayo na nin buhay sa saiyang harong si Grammy-nominated musician na si John Forte sa eda na 50-anyos.
Sigun sa mga otoridad na nakareseber sinda nin apod makalihis na madiskubrer kan saiyang amigo na mayo na nin buhay an singer sa harong kaini sa Chilmark, Massachusetts.
Mayong anuman na nahiling na senyales kan foul play an mga kapulisan kaya pinasairarom na ini ini sa medical examination tanganing maaraman an saiyang kagadanan.
Si Forte an ipinangaki sa New York City kun saen sa edad na 20-anyos an nagin parte na ini kan kanta kan grupong Fugee na “The Score” na nominado sa Grammy.
Komo multi-instrumentalist asin rapper, nakapagluwas si Forte nin solo album na “Poly Sci” asin“I John”.
Taong 2000 kan maarestrar sa Newark International Airport huli sa pagkakaigwa nin liquid cocaine asin drug trafficking.
Pighatulan ini na makulong nin nasa 14 na taon alagad nabawasan nin pitong taon kan patawan nin presidential pardon ni dating Presiden George W. Bush.
