Nagtao an Senate Committee on Public Services Chairperson na si Sen. Raffy Tulfo, nin direktiba sa Manila International Airport (MIAA) na magsumite sa laog nin 48 oras nin kumpletong ulat manungod sa kamugtakan kan gabos na closed-circuit television (CCTV) camera na nasa irarom kan saindang pangangataman.
Ginibo ni Tulfo an direktiba matapos na magluwas sa pagdangog kan komite na igwa nin mga CCTV sa paliparan na dai nagana.
Sa saiyang kasuguan, gusto ni Tulfo na maaraman an kabilugan na status kan mga CCTV, kaiba an mga nagana asin dai nagana, tanganing matukoy kun arin na parte kan sistema an nangangaipo nin pagkukumpuni.
Mahalaga an marhay na operasyon kan mga CCTV sa paliparan para sa seguridad asin pag-imbestiga sa mga insidente na pwedeng mangyari sa laog kan pasilidad.
Piglalaoman na makakatabang an hinahagad na ulat tanganing matukoy an mga problema na kaipuhan na asikasuhon asin an mga lakdang na dapat gibuhon kan pamamahala kan paliparan tanganing malikayan an anuman na paghahabon sa lugar.
