Duwang (2) katawo an binawian nin buhay makalihis magbagsak an sarong construction crane sa sarong highway sa Samut Sakhon, suburb kan Bangkok, sarong aldaw sana makalihis an saro pang aksidente kan crane sa hilagang-silangan kan Thailand na ikinasawi kan 32 katawo.
Mahihiling sa lugar kan aksidente na nagbagsak an crane sa highway, na nag-antog sa pirang lunadan siringman an natalsikang debris sa palibot.
Kan nakalihis na aldaw, sarong crane man sa Nakhon Ratchasima an nagbagsak sa sarong nag-aandar na tren, na nagkawsa nin labi 60 katawo na lugadan.
Parehong pinamamahalaan kan Italian-Thai Development, saro sa pinakadakulang construction companies sa Thailand, an parehong proyekto.
Napag-araman na sa nakalihis na pitong (7) taon, pigkakarkulong 150 katawo na an binawian nin buhay sa aksidente sa sarong road improvement project gikan Bangkok hasta sa katimugan kan nasyon.
Sinaysay man ni Thai Prime Minister Anutin Char nvirakul na tututukan kan mga awtoridad an soboot kapabayaan sa konstruksyon kasunod kan aksidente kan Miyerkules.
Pig-anunsiyar man kan State Railway of Thailand an planong pagsunad kan kaso kontra sa Italian-Thai Development.
An kumpanya man an responsable sa sarong skyscraper sa Bangkok na nagbagsak kan nakalihis na Marso huli sa linog, na tanging edificio sa siyudad na nagbagsak sa nasambitan na insidente.
