Magigin dakulang huma na makua liwat an suporta kan 1/3 kan mga kongresista enkaso igwang magsunad liwat nin impeachment complaint kontra ki Vice President Sara Duterte sa masunod na bulan.
Sigun ki House Assistant Majority Leader Zia Alonto Adiong, ini an realidad huli ta iba na an komposisyon kan Kamara ngunyan na 20th Congress kumparar kan 19th Congress.
Marurumduman sa nakalihis na kongreso, tolos na nakakua nin boto puon 1/3 o labi pang numero kan mga kongresista an reklamong impeachment kontra ki VP Sara kaya madali ining naisakat sa Senado na iyo9ng nagtitindog na impeachment court.
Pigsaysay pa ni Adiong, kadakol na mga kongresista na nagtaong suporta sa nakalihis na impeachment case sa ikaduwang Presdiente an natapos na an termino asin mayo na ngunyan.
