Ipinanukala ni Albay Representative Adrian Salceda an sarong prosopwestong ley na igwang obhetong halion an pagpapataw nin buwis sa mga benepisyong nareresebir kan mga healthcare worker gikan sa Philippine Health Insurance Corporation, o PhilHealth.
An nasambitan ng prosopwesto na bistado komo House Bill No. 7033, an obhetong gibuhong tax-exempt o dae na bubuwisan an manlaen-laen na klase kan benepisyo na pigtatao kan PhilHealth sa mga obrerong pangsalud.
Kaibahan sa mga benepisyong ini an mga allowance, hazard pay, performance-based incentives, asin iba pang health human resource support.
Sigun ki Representative Salceda, an mga benepisyong ini na gikan sa PhilHealth an nararapat sana na ikonsiderar komo sarong klase kan social protection o panlipunang proteksiyon para sa mga healthcare workers.
Pigtawan-duon kaini na siring kan mga benepisyong gikan sa Government Service Insurance System (GSIS) asin Social Security System (SSS) na dae man pigbubuwisan, an mga benepisyo gikan sa PhilHealth an dapat man na magin tax-exempt.
Ipinaliwanag pa ni Salceda na an pagbubuwis sa mga benepisyo kan PhilHealth an nagreresulta sa pagbawas kan suportang dapat kudta ng direktang napapasiring sa mga healthcare worker na nagsisirbing frontliners sa pagtatao nin serbisyong pangsalud.
Dugang pa kaini, an prosopwestong ley na ini an dae mangangaipuhan nin dugang na pondo gikan sa gobyerno.
Sigun ki Salceda, an prosopwesto an obhetong mantiniron an presenteng kantidad kan health funds o pondo para sa salud, asin dae madara nin anuman na pagbabago sa kabilogang budget.
