Madeploy an Philippine Red Cross (PRC) nin 1,848 na tauhan para sa Undas Operation 2026, na binibilog nin 248 personnel asin 1,600 na volunteers, tanganing tabangan an publiko ngunyan na Undas.
Magbubugtak man an ahensya nin mga first aid station, welfare desk, mobile units, foot patrol team, ambulansya, asin mga emergency vehicles sa mga sementeryo, bus terminal, pantalan, paliparan, asin command post sa bilog na nasyon.
Sa kabilugan kan mga first aid station, 35 an yaon sa Metro Manila, 149 sa Luzon, 38 sa Visayas, asin 29 sa Mindanao. Pinagpakatanidan man kan PRC an publiko na seguraduhon na nakakandado an mga harong, madaling makua an emergency contact numbers, asin nakapreparar sa ano man na kalamidad.
Hinimok man an mga motorista na mag-ingat sa pagmamaneho, sumunod sa mga ley trapiko, asin planuhon an saindang biyahe.
Naenot nang ibinugtak kan Department of Health sa Code White Alert an Metro Manila tanganing magdanay na nakaantabay an mga ospital asin emergency response team sa posibleng paglangkaw kan bilang nin mga pasyenteng mangangaipo nin marikas na atensyong medikal.
