Labi 85,000 katao sa probinsiya kan Aklan an piglalaomang direktang makikinabang gikan sa pigpapautob na ₱20 kada kilong bigas na programa kan gobyerno.
Ini an komo pagsimbag sa kasuguan ni Presidente Ferdinand Marcos Jr., na gibuhong mas abot-kaya para sa ordinaryong Pilipino an presyo kan bagas.
Sigun ki Usec. Claire Castro, an programang ini an igwang obhetong siertuhon an seguridad sa pagkakan asin nutrisyon kan nasyon, na sarong importanteng lakdang pasiring sa pagpapamarhay kan kamugtakan kan mga mamamayan.
Orog pa, komo dugang na suporta sa probinsiya nin Aklan, an gobyerno an nagtagama asin nagheras man nin ₱70 milyong kantidad nin tabang na nakatagama para sa sektor kan agrikultura, na obhetong pakusugon an saindang kakayanan asin produksiyon.
Kaibahan sa mga tabang na pigheras iyo an mga traktora na makakatabang sa pagpapauswag kan paraoma, mga farm inputs tanganing mapalangkaw an ani, mga composting facilities para sa masustansyang daga, sarong renewable energy system para sa sustainable na enerhiya, asin mga bangkang pansira para sa mga parasira kan Aklan.
Dugang pa ni Usec. Castro, an mga tabang asin programang ini an naayon sa mga primerong obheto kan Presidente na iangat an dignidad kan mga paraoma asin padakulaon an saindang produksiyon sa paagi kan modernisasyon asin suporta.
