Sarong Overseas Filipino Worker (OFW) an nagadan huli sa drone attack sa Saudi Arabia.
Nangyari an insidente kan Miyerkules, Oktubre 21, sa sarong oilfield facility sa Dammam, Saudi Aramco’s Shaybah, kun sain pig-intercept kan air defense kan Saudi an sarong drone.
Segun sa Energy Ministry kan Saudi Arabia, nagadan an duwang residente, sarong Pilipino asin sarong Nepali, mantang duwa pa an nagkapirang nasugatan na Pakistani asin Indian, huli sa mga naghulog na debris pagkatapos ma-intercept an drone.
An Department of Migrant Workers (DMW) padagos na nagbabantay sa sitwasyon asin nakikipagkoordinar sa mga awtoridad kan Saudi tanganing maaraman kun igwa pa nin ibang OFWs na apektado.
Nagpahayag nin pagpangadyi si DMW Secretary Hans Leo J. Cacdac para sa seguridad kan gabos na Pilipino sa rehiyon.
Pig-engganyo kan ahensya an mga OFWs sa Saudi Arabia asin sa bilog na Middle East na magdanay na alerto, sumunod sa lokal na awtoridad, asin likayan an mga lugar na apektado arog kan military installations asin oil facilities.
