Duwang ido, naisalbar gikan sa frozen lake sa Montana

Aram baya nindo mga ka-Bombo na nagresponde an mga bumbero sa Montana tanganing isalbar an duwang ido na napadpad sa sarong nagyelong lawa asin nahulog sa malipot na tubig.

Sigun sa Polson Rural Fire District sa sarong post sa social media, nag responde an saindang mga personahes makalihis na makaresebir na report dapit sa duwang ido na nasasakitan na makahawas sa nagyeyelong tubig kan Flathead Lake, harani sa Kings Point.

Inapod man sa lugar an Lake County Search and Rescue, asin apat na rescuer an nagkusog boot na magpasiring sa kinamumugtakan kan mga ido tanganing maisalbar an nga ini.

Siring man, naghiro an mga ido pasiring sa bukas na parte kan tubig asin nagpuon na maglangoy pasiring sa pampang.