Todo an preparasyon kan lokal na pamahalaan kan San Jose, Camarines Sur, sa posibleng epekto kan El Niño, na posibleng makaapektar sa suplay nin tubig asin sa tinatayang 2,000 ektarya nin mga agricultural area, mantang may mga paratanom man nin kamote na nakikinabang sa halangkaw na demand sa saindang ani ngunyan na harvest season.
Segun ki Mayor Jerold B. Peña, na nagluwas siya nin Executive Order kan Oktubre 1 tanganing ipatawag an Local Council for El Niño, kaiba an Municipal Disaster Risk Reduction and Management Office (MDRRMO) asin an iba pang kinauukulang opisina.
Bilang inot na hakbang, iimbentaryuhon an mga available na resources asin susukaton an kapasidad kan kada lugar tanganing matukoy kun siisay an mas nangangailangan nin preparasyon.
Pigbinahagi ni Peña na may mga barangay na nagsasarig sa deep well pumps, mantang an iba man sakop kan serbisyo kan Partido Water Supply District (PWSD). May sarong sitio man sa Barangay Bagacay, Zone 7, na nakaeksperyensya nin paghina kan dating pinagkukunan nin tubig kaya kinailangan nang gumamit nin bombahan.
Mientrastanto, kabale sa mga binabantayan an sektor kan agrikultura, partikular an mga lugar na nagsasarig sa irigasyon. Tinatayang nasa 2,000 ektarya nin mga agricultural area an posibleng maapektuhan kan halawig na dry spell.
Sa ibong kan banta nin tagtuyot, segun ni Peña na may mga paratanom na nakikinabang sa halangkaw na demand sa kamote, na may magandang merkado sa presente na harvest season.
Kaiba man sa mga pagpreprepara an fire hydrant asin iba pang kagamitan sakaling magkaigwa nin sunog.
Pigtawan-doon man ni Peña an kahalagahan kan Mount Isarog watershed bilang importanteng likas na yaman kan Camarines Sur.
Asin an pag-ataman sa watershed makakatabang tanganing mabawasan an epekto kan matinding El Niño asin mapakusog an kapasidad kan mga komunidad na makasagubang sa halawig na tagtuyot.
