Aram baya nindo mga ka-Bombo, na sarong lalaki gikan sa Maryland an liwat na nagpuli nin dakulang kapangganahan makalihis na makua an $50,000 na premyo gikan sa sarong scratch-off lottery ticket—mayo pang duwang taon makalihis kaining manggana nin $250,000 gikan man sa saro pang scratch-off game.
Sigun sa Maryland lottery, binakal kan lalaking taga-Silver Spring an saiyang $50,000 Cash ticket sa Sunoco gas station sa Connecticut Avenue sa Kensington asin tulos na kinaskas an bar code tanganing i-scan gamit an scanner kan tindahan.
An lalaki, na sarong madalas na nagtataya sa lottery, an labi an pagkabigla kan maaraman na nakua kaini an top prize na $50,000.
Kan nakalihis na Hunyo 2024, nagbisita man ini sa lottery headquarters tanganing kuanon an $250,000 jackpot na saiyang napangganahan gikan sa Cash Winfall scratch-off ticket.
Ipigheras kan nanggana na ginamit kaini an enot na premyo tanganing tabangan an saro kaining aki na mabayadan an student loans asin an saro man na aki an matabangan na magbakal nin harong.
Para man sa saiyang huring napangganahan, sinaysay kan lalaki na pa kaini sierto kun saen ini gagamiton alagad sigun sa saiya, pirmi soboot ining igwang pigtatagamahan kan kwarta.
