Pig-akusaran kan kolumnistang si Ramon Tulfo si Health Secretary Ted Herbosa na soboot nagreseber nin P60 million kickbacks gikan ki CWS party-list Rep. Edwin Gardiola, na pig-uugnay sa kapangganahan sa mga public bidding para sa konstruksyon kan mga ospital.
An nasambitan ng akusasyon an pigheras ni Tulfo sa saiyang facebook account kun saen sinaysay kaini na igwang ladawang nagpapahiling na igwang darakulang kahon kan kwarta na pig-ako sa hampang kan harong kan Department of Health chief, pati na man an sarong armored na Toyota Land Cruiser na sinasabing itinao ki Herbosa.
Sigun pa ki Tulfo, nagluwas an mga ladawan makalihis an tensyon kan duwang opisyal.
Si Gardiola an naiuugnay sa mga kontrobersiyal na proyekto sa flood control asin pig-iimbestigaran komo saro sa mga pigmirar komo “cong-tractors,” kun saen pigreport na na freeze na kan Anti-Money Laundering Council an mga bank account na igwang kinaaraman sa saiya.
Mientrastanto, enot nang nahahampang si Herbosa sa iba pang kontrobersiya, kabali an graft complaint katakod kan P98 million radio program kan Department of Health na sinasabing ginamit soboot para sa promosyon kan mga opisyal kan ahensiya.
Mayo pang opisyal na pahayag an mga imbwelto sa akusasyon ni Tulfo.
