Naglangkaw sa 2% an inflation rate kan nasyon kan nakalihis na Enero 2026, sigun sa Philippine Statistics Authority (PSA), mas halangkaw kumparar sa 1.8% kan nakalihis na noong Disyembre 2025.
Nagtitinir pa man ining nasa laog kan 2–4% target range kan gobyerno asin laog sa forecast kan Bangko Sentral ng Pilipinas (BSP) na 1.4% hasta 2.2%.
Sigun sa mga ekonomista, an pagrekas kan inflation an dara kan “base effects” gikan sa hababang inflation kan nakalihis na taong-2025. Kaibahan sa mga salik kan paglangkaw an mas halangkaw na presyo kan bagas, sira, produktong petrolyo, kuryente, asin renta.
Igwa man epekto an taunang paglangkaw kan excise taxes sa alak asin sigarilyo, siring man an paglangkaw kan water asin toll rates.
Kan taong-2025 nagbaba an average inflation sa 1.7%, pinakahababa sa laog kan siyam na taon.
Ngunyan na 2026, piglalaoman kan mga ekonomista na bahagyang marekas an inflation alagad matinir pa man sa laog kan target kan BSP.
