Sa irarom kan bagong polisiya kan Land Transportation Office (LTO), puon sa Nobyembre 15, babawion na an mga lisensya kan mga drayber na madakop na nakainom o nasa irarom kan impluwensya nin arak.
Ipinatupad an nasabing kautusan huli sa inaasahang pagkabigat kan daloy nin trapiko sa maabot na Kapaskuhan asin Bagong Taon.
Giit ni LTO chief Assistant Secretary Markus Lacanilao, padagos na ipapautob an ley kontra sa mga drunk drivers segun sa Anti-Drunk and Drugged Driving Act of 2013.
Alagad, dugang ni Lacanilao, pwedeng iapela an nasabing pagbawi nin lisensya huli ta maagi man sa proseso nin korte an mga mabalgar sa polisiya kun sain kakaputan kan LTO Intelligence and Investigation Division an kaso asin magkakaigwa nin mga pagdangog bago magpaluwas nin resolusyon.
Segun pa digdi, pwedeng magin permanente an pagbawi nin lisensya sa mas grabe pang mga sitwasyon.
