Pigsierto kan Transportation Department an pagpapahewas sa mga runway kan mga palupadan sa mga probinsiya.
Partikular na target kan Department of Transportation (DOTr) an laba na 2,100 meters na runway tanganing maka-accommodate nin mas darakulang aircraft. Obheto kaini na mapababa an airfare sa domestic destinations asin tanganing maenkaminar nin mas kadakol na lokal na turista.
Enot nang pigpahayag kan Civil Aeronautics Board (CAB) na an rate kan pamasahe sa eroplano sa domestic destinations an nakasalalay sa dakula kan eroplano asin sa numero kan pasaherong pwedeng ilunad sa aircraft.
Sigun sa CAB, kun dakula an eroplano asin kadakol man an pwedeng ilunad na pasahero, mas hababa soboot an presyo kan tiket.
Pigtukoy kan CAB an kapasidad kan Airbus 330 na ginagamit sa mga darakulang nasyon siring kan Cebu, Davao asin General Santos City, pwede soboot ining maglunad nin nasa 459 na pasahero.
Mantang an turboprop, siring kan ATR-72, an igwang kapasidad sana na 72 na pasahero kaya mas halangkaw airfare.
Pigpaliwanag man kan CAB na an mga palupadan sa nasyon siring kan mga airport sa Catarman, Siargao, Antique asin Busuanga an pwede sanang magamit kan sararadit na tuboprop aircraft, huli ta halipot an saindang mga runway.
