Ikinadismaya kan nagkapirang grupo an pirang pahayag gikan sa opisyal kan gobyerno na nagsasabing isuko na sana an parte kan teritoryo kan nasyon.
Nagtutubod soboot sinda na an mga pag-atake o pag-kwestiyon sa legal na posisyon kan Pilipinas an dae pwedeng palampason.
An mga pahayag kaya soboot direktang nagkokontra sa Philippine Coast Guard asin Armed Forces of the Philippines an nakapagpaluya tanganing maipagtanggol kan nasyon an karapatan kaini.
Pwedeng makaapektar soboot ini orog na sa pananaw asin irarom kan internasyunal na ley sa pagprotehir kan soberanya kan Pilipinas sa ulayang teritoryo.
Kun saen maikokonsiderar soboot ining malinaw na pagtalikod sa interes kan bayan sa pangapodan na i-urong o isuko an parte kan teritoryo kaini.
Mapadapit sa pahayag kan nagkapirang lehislador siring ni Sen. Rodante Marcoleta an dapat ipagsawalang bahala ni Jose Goitia kan grupong Filipinos Do Not Yield Movement asin iba pa.
Sinaysay kaining an padagos na pagkwestiyon sa mga karapatang pandagat kan nasyon an nabubugtak sa alanganin an pambansang interes na dapat soboot malinaw asin igwang paninindugan.
Alinsunod digde, maduon nindang pahayag na dae maikokonsiderar an pagigin agresibo an ipagtatanggol sana an soberanya kan nasyon orog na sa pirit kan pag-aangkin kan teritoryo.
