Nagpaluwas an Department of Labor and Employment (DOLE) nin panundonan sa tamang pasahod sa maabot na Pebrero 17, 2026 na sarong special non-working day huli sa pagselebrar kan Chinese New Year.
Sa Labor advisory na pirmado ni DOLE Secretary Bienvenido Laguesma, na an sisay man na empletado na malaog sa nasambitan ng aldaw an mababayadan nin dugang na 30 percent sa saiyang basic na sahod sa enot na walong oras.
Kun maglampas nin walong oras igwang dugang na 30 percent sa kada oras na piglaog.
Mantang kun pinalaog an sarong empleyado na natiyempuhan sa aldaw kan pahingalo kaini, mababayadan ini nin dugang na 50 percent sa enot na walong oras asin kun maglampas nin walong oras madugang pa ini nin 30 percent sa kada oras.
Siring man, an empleado na dae naglaog, an maipapautob an “no-work-no-pay” policy.
