Aram baya nindo mga ka-Bombo sarong lalaki gikan sa Texas an nakatiklop nin 250 functional paper planes sa laog nin sarong oras — katampad kan apat kada minuto tanganing porbarang makapagrehistro sa Guinness World Records.
Si Richard DeFreece, residente kan Tyler, Texas na enot na nag-apply sa Guinness World Records duwang taon na an nakakalihis, an nagsabing nakaresebir ini nin go-signal para sa saiyang opisyal na pagpoporbar kan nakalihis na Disyembre 2025 asin isinagibo kaini an record attemp kan nakalihis na Sabado.
Nagibo ni DeFreece na makatiklop nin 250 eroplanong papel sa pigtalaang oras, na nalampasan an target na 200 na pigtalaan kan Guinness World Records.
An lambang eroplano an pinorbaran kan sarong opisyal makalihis an pagpoporbar tanganing masierto na gabos, naglalayog.
Sigun ki DeFreece maogma soboot an saiyang pagmate. Kadakol na sakit asin ensayo an soboot saiyang pigtagama, asin maogma ining nakua an record.
Dugang pa kaini na haloy na kaining pigpapangarap na makapasa nin world record.
Kaipuhan pang repasuhon ka Guinness World Records an ebidensiya gikan sa pagpoporbar ni DeFreece antes ini dagusang magin opisyal.
