Sinabi ni Senate President Pro Tempore asin Blue Ribbon Committee chair na si Panfilo “Ping” Lacson na bako sana siya an nagkukuwestyon sa kredibilidad kan 18 indibidwal na nagsasabi na dating partisipante sa soboot P805-billion na cash delivery scheme hale sa flood control projects.
Sinabi ni Lacson na an mga suhestyon na saiyang naaraman sa pagpaapod sa 18 dating soldados tanganing mag-atendir nin hearing iyo sana an pag-aram kan katotohanan kun nagpuputik an mga ini, na nanindugan na an katuyuhan kan Blue Ribbon Committee hearing iyo na maaraman an totoo, bako sanang ibuyagyag an mga kaputikan.
Tinawang-duon kan senador na kun dae makakalkulo nin totoo an sarong tawo, dae dapat magtaram nin numero, arog kan saiyang sinabi sa soboot P805-billion na cash delivery scheme na pigdeliver suboot sa nagkapirang halangkaw na opisyales kan gobierno kabale na si dating House Speaker Martin Romualdes sa kamawotan ni dating congressman Elizaldy Co.
Nanindugan si Lacson na obligasyon niyang hilingon an kredibilidad kan source asin mismong impormasyon bago mag-apod nin hearing, huli ta habo suboot kaini na maging circus o joyride an hearing sa Blue Ribbon Committee.
Magigirumduman na enot nang sinabi ni Lacson na pinunan na niya an background investigation sa 18 indibidwal asin siring man an verification kan mga alegasyon.
Mientrastanto, sinabi ni Lacson na bukas siya sa pakikipag-ulay ki Atty. Levito Baligod, na iyo an nagrerepresentar sa 18 dating nag-atender, tanganing darahon an saindang testimonya sa soboot cash deliveries sa “realm of possibilities.”
