Pormal ng piglansar an E-Reklamo kan Police Regional Office 5 para sa mas marikas na pagpaabot nin reklamo kan publiko kan anuman na mga complaints sa paagi kan online na pagpadara kan saindang mga reklamo sa mga otoridad.
Sa intrevista kan Bombo Radyo Naga ki PCpt. Liza Jane Alteza, an Spokesperson kan Camarines Sur Police Provincial Office, sa paagi kan sarong link asin QR code, dai n akinakaipuhan pang magpasiring sa hepatura kan PNP an siisay man na gustong magpaabot nin complaint huli ta pwedi ng gamiton an PRO5 E-Reklamo.
Katakod kani, kaipuhan na hanapon muna an website ka PRO5 asin duman manunutaran an mga link nadapat gamiton para sa ispesipikong complaint. Alagad dai pweding magamit sa suba suba sana an pagpaabot kan complaint kan publiko asin dai man ini pweding magamit sa mga prank complaints huli ta igwa nin mga hinahagad na mga concretong detalyes an link tanganing maasisteran asin matabangan an si isay man na nangangaipuhan nin tabang.
Kaipuhan sanang picturan an mga ebidensya asin an mga kinakaipuhan an documentos tanganing magamit sa pagfile nin kaso. Sigon pa sa opisyal, magayon ining proseso partikularmente sa mga naabusong indibidwal na yaun pa sa mga pwerang lugar.
Direkta sa regional office an mga complaints asin makalihis marisiber ini kan mga trained investigator asin virtual desk officers sa regional office, magkakaigwa na nin virtual investigation manungod sa reklamo. Paabiso na sana kan opisyal na dai na magpurbar na magsuba sa Link huli ta igwa nin beripikasyon an PNP tanganing masierto na totoo an ipinapaabot na reklamo kan sarong complainant.
