Salbado si US President Donald Trump makalihis an sarong pagporbar na pambabadil sa White House Correspondents’ Dinner sa Washington Hilton Hotel.
Sinabi kan Secret Service na sarong gunman an nagporbar na maglaog sa mayor na screening area kan hotel asin nagpaputok nin shotgun.
Si Trump, First Lady Melania, Bise Presidente J.D. Vance, asin mga miyembro kan gabinete marikas na pig-ebakwar mantang an mga bisita nagkukururahaw nin “Get down!” asin nagduko sa irarom kan mga lamesa.
Sarong ahente kan Secret Service an natamaan alagad dai naano huli sa protective gear.
Nakakulong na ngonian an suspek asin pig-iimbestigaran pa an insidente.
Sa saiyang post sa Truth Social, pig-omaw ni Trump an marikas na aksyon kan Secret Service asin mga nagpapaotob kan ley, asin pig-asegurar na ligtas an gabos na opisyal.
An pangyayari nangyari sa parehong hotel kun saen ginadan si Presidente Ronald Reagan kan 1981.
Ini an ikatolong pagkakataon na si Trump nagin target nin sarong pagprobar na pag-atake, kaiba an sarong insidente sa sarong rally sa Butler, Pennsylvania kan 2024.
Sinabi kan White House na mapaluwas si Trump nin opisyal na pahayag manungod sa pangyayari.
An insidente nagtao nin importansya kan mahigot na seguridad sa mga pampublikong pagtiripon kan Presidente.
