Nagtutubod si House Speaker Faustino “Bojie” Dy III na an 2026 Palarong Pambansa dapat magserbing inspirasyon tanganing ma-engganyar an mas dakul pang Pilipino na jovenes na mangarap, maghinguha, asin magtubod sa saindang mga kakayahan.
Sinabi ni Dy na an isports importante sa pagbilog kan disiplina, katatagan, asin liderato sa mga hobenes.
Tinawan duon man ni Dy na an Palarong Pambansa bako sana kompetisyon para sa mga medalya kundi selebrasyon kan kahigosan, sakripisyo, pagtarabangan, asin tiyaga kan mga estudyanteng atleta hale sa manlaen-laen na parte kan nasyon.
Sigon ki Dy, nanggana an gabos na partisipantes huli sa dedikasyon asin effort na saindang ipinahiling tanganing makalaog sa Palarong Pambansa.
Inenkaminar man kaini an mga atleta na makipagkumpetensya na may integridad asin onra mantang pigrerepresentar an saindang eskwelahan, komunidad, asin rehiyon.
