Binawi kan 18 dating bodyguard ni Former Congressman Zaldy Co an naenot na pahayag na si Senator Loren Legarda suboot an saro sa mga hinatodan nin mga maleta na may laog na kickback hale sa mga flood control projects.
Sa press conference, sinabi ni Levito Baligod, legal counsel kan 18 dating bagmen, na ni-retract o binawi ninda an saindang dating pahayag asin inako na napasala sinda kan sabihon na nakaresibir si Legarda nin duwang maleta hale ki Co.
Piglinaw suboot sa saiya kan duwang dating tauhan ni Co na sina Rodante Orbillo asin Rommel Galapon na mayo sindang nailaog na mga maleta sa residence o harong ni Legarda.
Segun pa ki Baligod, sinabi kan mga dating tauhan na sinugo sindang magbaba nin duwang maleta kan pag-abot ni Co sa gate kan harong ni Legarda.
Alagad, madali man daa na nagluwas si Co asin mayo sindang nahiling na may nailaog na maleta sa laog kan gate.Bukas man si Baligod sakaling may magsampa nin kaso laban sa duwang dating bodyguard ni Co dahil sa salang testimonya.
