Deklarado na nin Stable Internal Peace and Security Status (SIPS) an kadaklan sa mga municipalidad kan probinsya nin Camarines Sur.
Segun ki LTC Esteban mangabat INF (GSC) PA- Commanding Officer- 9IB, 9ID, PA, dakulang accomplishment bako sana kan 9th Infantry Sandigan Battalion kundi maging kan mga namamayo sa lambang lokal na gobyerno, PNP, Phil Coast Guards, stake holders asin kan mga namamanwaan.
Piglinaw kan opisyal na an deklarasyon kan SIPS sa lambang Municipalidad bakong boot sabihon na mayo na nin mga miembro kan mga makakalawang grupo an lugar, kundi parte sana ini tanganing makamtan an Insurgency Free Status. Padagos an isinasagibong security operations kan Philippine Army tanganing mamatiner an kasalbaduhan asin seguridad kan lambang saro.
Kinumpirmar kan opisyal na nadismattled na an sarong unit kan NPA na sakop kan 9th ID asin mahigot na pinapautob an Integrated Territorial Defense System (ITDS) na saro sa mga parrameters tanganing maideklarar na SIPSS na an sarong lugar.
Dugang pa kan opisyal na dipisil matunton an nagkapirang natatadang miembro kan NPA alagad huli sa pakikipagtabangan kan mga namamanwaan, marikas nindang natutunton ini sarong halimbawa an nangyaring ekwentro sa banwaan nin Pamplona Camarines Sur na nagresulta sa pagkagadan kan sarong halangkaw na opisyal kan NPA.
Segun pa sa opisyal, makalihis an enkwentro, sunod-sunod na an mga nagsuko asin sarong patunay ini na padagos na nagluluya na an pwersa kan New Peoples Army. Labi an pagpapapasalamat kan opisyal sa gabos na naging parte kan padagos na pagdakol kan numero kan mga surrenderee orog na sa kooperasyon kan lambang namamanwaan.
