Nagkapirang grupo sa Bicol an nag-anunsyo nin plano na maggibo nin “People’s SONA” sa maabot na Hulyo 27 para ipresentar an saindang mga agrangay asin an soboot totoong kamugtakan kan banwaan.
Sa intrevista kan Bombo Radyo Naga, Nelsy Rodriguez, Chairperson, Bayan Camarines Sur, an katuyuhan iyo na ipahayag an pangapudan para sa kongkretong solusyon sa kapobrehan, korapsyon, asin iba pang mga problema na inaatubang kan nasyon.
Tinawan nin duon kan mga paraoma sa Camarines Sur an problema sa halangkaw na gastos sa produksyon, hababang presyo kan pananom, asin kawaran nin suporta hale sa gobyerno.
Napag-olayan man kan grupo an mga isyu sa land use conversion asin nagkapirang proyekto na suboot pwedeng makaapektar sa kabuhayan kan mga paraoma, parasira, asin iba pang sektor.
Mientrastanto, nangapudan an Gabriela Bicol para sa mas epektibong implementasyon kan mga ley para sa proteksyon kan mga kababaihan, magkakanigong pondo, asin pagsasanay sa mga lokal na opisyales.
