Nagsalang na sa witness stand si Atty. Roderick Wamil, an dating state auditor kan Commission on Audit – Intelligence and Confidential Funds Audit Office (COA-ICFAO), sa ika-11 na aldaw kan impeachment trial ni Vice President Sara Duterte, Lunes, Agosto 3, 2026.
Siya an ikatulong testigo kan House Prosecution Team para sa Article I kan Articles of Impeachment, na nakatutok sa sinasabing salang paggamit kan ₱612.5 milyong confidential funds kan Office of the Vice President (OVP) asin Department of Education (DepEd).
Inaasahang ipapaliwanag niya kun paano sinusuri asin ini-audit kan COA an mga confidential fund, pati na kun paano nire-review an mga liquidation report asin an kaakibat na mga dokumento.
An saiyang direct examination pangungunahan kan prosecution counsel na si Atty. Lorna Kapunan.
Sinabi ni Atty. Kapunan na itutokdo kan testigo an 50 exhibits, kabilang an mga acknowledgment receipt kan ikaapat na quarter kan Office of the Vice President.
Bago nagsalang si Wamil, naenot nang nagtestigo an mga dating opisyal kan Land Bank tanganing patunayan an pagluwas o encashment kan dakulang kantidad nin kuwarta.
Nakatakda man na magtestigo sa aga pa, Agosto 4, si Celine May Del Campo, an sa ngunyan na supervising auditor kan COA-ICFAO.
