Alas Pilipinas Women, silver medalist sa SEA V Cup makalihis an thrilling win kontra Indonesia
Nasungkit kan Alas Pilipinas Women an pinaka inot na silver medal kan bansa sa SEA V Cup makalihis pataubon an Indonesia, 25-13, 23-25, 25-19, 33-31, kaining Domingo sa Thailand.
Makalihis an matinding laban na umabot sa marathon fourth set, nakasalbar an Alas Pilipinas sa walong set points kan Indonesia bago dagusang selyuhan an pagkagana.
Nagtabla pa an duwang koponan sa 31-all bago umarangkada an Pilipinas.
Nanaig an crucial block nina Fifi Sharma asin Jia de Guzman tangaing pugulan an Indonesia, bago dagusang mapasala an kalaban sa drop shot asin maitao sa Pilipinas an makasaysayang pagkagana.
Huli digdi, nalagpasan na kan Alas Pilipinas an anom kaning bronze-medal finishes hali kan itatag an torneo kan 2019, na kaitong inapod na ASEAN Grand Prix bago naging SEA V.League asin kalaunan ay SEA V Cup
