Kakaipuhanon pa nin panahon bago dagusang mag-uswag an Philippine Volleyball asin makasabay sa pankinaban na entablado.
Ini an adal na nanudan kan Alas girls makalihis sindang makalaog sa Round of 16 kan FIVB Volleyball Girls U17 World Championship sa Santiago, Chile.
Segun kay Alas team manager Karl Chan, magayon an ipinahiling kan Alas Pilipinas sa ibong kan halipot na panahon na ginugol kan koponan tanganing magkaigwa nin pagkakasararo asin magayon na iribahan sa laog kan court.
Nadaog an Filipinas sa Venezuela sa iskor na 25-22, 25-15, 20-25, 25-22 sa Parque Estadio Nacional.
Sinabi man ni Chan na halos sarong semana sana nag iribahan kan mga parakawat bago nag byahe pasiring sa Chili. Mientrastanto, mas haloy nang nag insayo asin nagkakawat na magiribahan an ibang mga koponan.
Sa ibong kaini, ipinahiling kan mga parakawat an saindang kusog asin kakayahan sa kompetisyon.
Maiisip kun gano pa karayo an pwedeng maabot kan Alas girls kun nagkaigwa sinda nin mas halabang panahon para sa pagpreparar asin pagbuo kan chemistry bilang sarong koponan.
Sa saindang pagbali sa torneo, nakapagrehistro sinda nin bagong pamantayan bilang pinakamatibay na gumaganap na koponan kan Pilipinas sa sarong pankinaban na kompetisyon.
