Hinimok ni U.S. President Donald Trump an Iran na sumuko na sana tanganing matapos an nagpapadagos na digmaan sa tahaw kan duwang bansa.
Sa sarong phone interview, sinabi ni Trump na dapat suboot magtaas nin “white flag of surrender” an Iran mantang nagtitinir na dae pa umuusad an mga pag-uulay para sa pagtatapos kan labanan.
Kan Hunyo, nagkasundo an Washington asin Tehran sa sarong memorandum of understanding na nagtakda nin tulos asin permanenteng pagpugol kan mga operasyong militar sa gabos na panig.
Segun paman, dae ini naghaloy asin sinabi ni Trump na napaso na an kasunduan kan Hulyo 7, mantang kinumpirma man kan Iranian Foreign Ministry makalihis an saron semana na saindang kinansela an kasunduan.
Sa irarom kaya kan naturang kasunduan, dapat sanang makikipagnegosasyon an dalawang bansa sa laog kan 60-araw para sa sarong mas mahiwas na kasunduan, kabali an ulayan sa nuclear program kan Iran.
Sa naging hiwalay na pag-uulay kan Oman asin Iran pinag ulayan digdi an giraray na pagbubukas kan commercial shipping sa Strait of Hormuz.
Nagpatanid man si Trump kontra sa Oman sakaling pugulan suboot kaini an mga plano kan Amerika an sierto na bomba an saindang ipadadara.
Mientrastanto, sa hapot kun may epekto an ginigibong lakbang ni Trump sa Iran para sa maabot na November midterm elections.
Giit pa kan U.S President na premerong obheto kan saiyang administrasyon na pugulan an Iran na magka igwa nin nuclear weapon.
