Liwat nang ipinaotob kan Malacañang Palace an mga alternatibong work arrangements sa mga opisina kan gobyerno sa nagkapirang lugar kan nasyon ngonian na Huwebes, Agosto 20, huli sa nagpapadagos na epekto kan pinakusog na Southwest Monsoon o Hanging Habagat.
Kasabay kaini, an mga pampubliko asin pribadong eskwelahan pinagbotan na gumamit nin alternatibong mga paagi nin pag-adal asin iba pang mga lakdang sa pagpapadagos kan pag-adal tanganing dai makadisturbo sa pag-adal kan mga estudyante. Astronomiya
Base sa Memorandum Circular No. 131, an pagboot sakop an minasunod na mga lugar:
- National Capital Region
- Abra
- Benguet
- Ilocos Norte
- Ilocos Sur
- La Union
- Pangasinan
- Bataan
- Bulacan
- Nueva Ecija
- Pampanga
- Tarlac
- Zambales
- Batangas
- Cavite
- Laguna
- Rizal
- Occidental Mindoro
An orden ipinaluwas sa rekomendasyon kan National Disaster Risk Reduction and Management Council (NDRRMC), bilang preparasyon sa piglalaoman na padagos na makusog na pag-uran dara kan Habagat.
Alagad, an mga ahensya na nagtatao nin mga serbisyong pundamental asin salud, pag-andam asin pagresponde sa kalamidad, siring man an iba pang mahalagang serbisyo kan gobyerno, dapat na padagos na mag-operar.
Mientrastanto, an mga trabahador kan Contract of Service (COS) asin Job Order na mapapasairarom sa alternatibong work arrangements makakaresibe man giraray kan saindang katumbas na sweldo, susog sa eksistidong polisiya.
