Tiwala an Malacañang na an mga pahayag kan China dai makakaapekto sa pag-atender kan mga lider kan ASEAN sa maabot na summit digdi sa Pilipinas ngunyan na Nobyembre.
Idinugang kan Palasyo na padagos an pakikipag-ugnayan kan Pilipinas sa mga miyembro kan ASEAN, asin mas marhay kun mag-atender si Chinese President Xi Jinping tanganing pag-ulayan an mga isyu sa rehiyon.
Ini kasunod kan akusasyon ni Chinese Defense Ministry spokesperson Zhang Xiaogang na sinisira kan Pilipinas an diwa kan pagigin bukas kan ASEAN asin an karapatan kan China bilang dialogue partner.
Nagpoon an akusasyon sa sarong insidente sa ADMM-Plus sa Cebu, kun sain dai sinabat ni Defense Secretary Gilberto Teodoro Jr. an Chinese defense attaché.
Alagad, dai pa makumpirma kan Palasyo kun pormal nang inimbitaran ni President Ferdinand Marcos Jr. si Xi sa maabot na summit.
Nareparo na inimbitaran na ni President Marcos Jr. an Chinese leader na magbisita sa Pilipinas kan nagtiripon sinda sa Beijing kan Enero 2023, kun sain pinag-ulayan man an West Philippine Sea.
