Nagbabala si Private Prosecutor Lorna Kapunan laban sa umano’y kultura nin karahasan na pamana kan pamilya Duterte, kasabay kan babala na si Vice President Sara Duterte ay delikadong makaimpluwensya sa mga kaakian sa paagi kan bayolenteng pahayag imbes na magpahiling nin leadership.
Ginawa ni Kapunan an pahayag matapos an madugong insidente kan pangbabadil sa Ateneo de Zamboanga University (ADZU) sa Brgy. Tumaga, Zamboanga City kaining Lunes, na ikinagadan nin duwang junior high school students kabali an mismong gunman.
Segun kay Kapunan, dapat masusing surion an trahedya sa konteksto kan mga nahihiling kan kahubenan hale sa mga lider pampulitika na saindang iniidolo.
Binanggit ni Kapunan an pattern kan karahasan sa duwang henerasyon kan pamumuno kan mga Duterte — poon sa extrajudicial killings sa war on drugs kan dating Pangulong Rodrigo Duterte, hasta sa mga pahayag ni VP Sara kabali an umano’y banta kan assassination laban kay Pangulong Ferdinand Marcos Jr.
Si dating Pangulong Duterte ay nahahampang sa kaso sa International Criminal Court (ICC) katakod kan ribu-ribung nagadan sa anti-drug campaign, mantang si VP Sara naman ay kasalukuyang nililitis sa Senate Impeachment Court.
