Nasungkit kan 13-anyos na si Keirsten Fernandez an saiyang ikaduwang Gold na medal sa Asian Open Short Track Speed Skating Trophy sa India.
Si Fernandez an nangengenot sa Junior C Girls’ 777-meter event pagkatapos na makarekord nin oras na 1:19.989, na igo nang madaog si Rachel Yi Lin Tan kan Australia asin iba pang mga kakompetensya.
Kan Miyerkules, si Fernandez nanggana man kan bulawan na medalya sa 1,000-meter event sa parehong kategorya nin edad, na nagtao sa Pilipinas kan pinakaenot na bulawan na medalya sa kasaysayan kan torneo.
Si Xsandrie Guimba nagdagdag man nin medalya para sa nasyon, na nanggana nin silver sa senior women’s 1,000-meter event pagkatapos na makarekord nin oras na 1:52.003.
Mientrastanto, an walong taon na si Zymone Zurbito nanggana nin bronseng medalya sa Junior F Boys’ 333-meter event.
An Pilipinas nakakua nin apat na medalya sa nasabing torneo
