Nagpagirumdom an Department of Labor and Employment (DOLE) sa mga obreoro na pwede sindang makakua nin benepisyo asin asistensya enkaso magkahelang o magkaigwa nin aksidente sa trabaho sa panahon nin maraot na panahon.
Susog sa Employees’ Compensation Commission, an programa sa kompensasyon sakop an mga aksidente na nangyayari mantang nagbibiyahe pasiring o hale sa trabaho.
Kabale digdi an mga insidente nin pagkahalnas sa basang tinampo asin mga aksidente sa bukas na mga manhole.
An mga pribadong empleyado makakaresibe nin mga benepisyo arog kan tabang pinansyal na nagseserbing pansalida sa sweldo mantang dai nakakatrabaho nin huli sa mga aksidente o helang na may koneksyon sa trabaho.
Pwede man sindang makakua nin reimbursement sagkod sa 60 porsyento kan gastos sa pagbolong asin konsultasyon medikal.
Sa bagay na ini, kaipuhan na isumitir an tamang dokumentasyon kan insidente tanganing patunayan na sinda kwalipikado para sa benepisyo.
