Inumaw ni Gilas Pilipinas head coach Tim Cone an saiyang mga parakawat makalihis matapos an pagkagana ninda kontra Jordan 82-81 sa overtime game sa fourth window ksn FIBA World Cup Asian Qualifiers.
Segun kay Cone, na naging masaklap sa sainda an enot na duwang quarter kan kawat huli sa tinambakan sinda kan Jordan na umaboot sa 18 puntos.
Alagad dae sinda nawaran nin pag-asa asin binago kaini an ipinautob na depensa sa kawat.
Maging an lineup an saindang binalasa na hali sa mga haralangkaw an niribayan kaini nin dae masyadong halangkaw na syang nagpagana sa Gilas Pilipinas.
Nagtabang-tabang an mga parakawat kan Gilas arog nina Kevin Quiambao, CJ Perez asin Kai Sotto para dagusang daogon an Jordan.
Naglalaom si Cone na sa aldaw kan Linggo kun sain makakaatubang ninda an Iran an sierto na maatubang sinda sa matinding hamon.
