Liwat nag-ani nin international recognition an sarong TV network makalihis manggana si Angelica Panganiban asin an Call Me Mother asin It’s Okay To Not Be Okay sa ContentAsia Awards 2026 na ginanap sa Bangkok, Thailand kaining Huwebes (Agosto 27).
Nasungkit ni Angelica an Bronze for Best Female Lead in a TV Programme/Series Made in Asia para sa pagganap niya komo Jackie Carpio kan sarong TV network Studios mystery-thriller series na The Silent Noise.
Tampok sa 10-episode series an sarong pamilyang nabalot nin misteryo makalihis an pagkagadan kan maestra kan saindang bungog na aki.
Gana man nin Silver for Best Feature Film or Telemovie Made in Asia an Call Me Mother, na pinagbibidahan nina Vice Ganda asin Nadine Lustre. Umiikot an pelikula sa isturya kan sarong foster mpther na gustong legal na ampunon an aking saiyang pinadakula, mantang giraray na bumalik an buhay kaini an biological mother kaini.
Nakakua man nin Silver for Best TV Format Adaptation (Scripted) in Asia an Philippine adaptation kan Korean hit na It’s Okay To Not Be Okay, na pinagbibidahan nina Anne Curtis, Joshua Garcia asin Carlo Aquino. Tampok digdi an tatlong karakter na may kanya-kanyang pinagfaagihan asin lugad hali sa nakalihis mantang nakakanuod sindang magpadaba, marahay asin tanggapon an kada saro.
Lampas 500 entries hali sa Asia an isinumite sa ContentAsia Awards ngunyan na taon, mantang lampas 180 programa an nominado sa 35 categories.
Inilunsad kan 2020, binibisto kan ContentAsia Awards an matitibay na programa asin talento sa Asia asin pinipili an mga nanggana kan industry professionals na may eksperyensya sa creative asin production process
